源記代言人 - 灣仔程媽媽

啊灝生日飯局

啊媽好HIGH記Part II

啊媽好HIGH記

灝梅團接到團友之投訴

哈哈哈...呢次斃啦!由於灝梅團接到錦屏團友之投訴﹐而灝梅團又唔想個招牌被人拆,所以我地會安排一月尾響梅窩度租間度假屋,燒下0野食啦!! 灝梅團也會安排多0的外出地點俾各位團員開心參與!

度假屋係一間複式村屋、5房1廳、連私人天台、有DVD機、煮食爐、2廁所2浴室﹐聽AB講都幾市正架﹗鐘意打牌既就打牌啦﹐唔打牌就打機啦,唔打既就搵的0野做啦。 嘎嘎嘎

灝梅團出動啦

因為今次竹君超懷念紅屋仔既食物﹐所以大家就出發去紅屋仔啦。











之後我地就帶大家去雲泉仙觀參觀菊花展。












不過好似0的菊花就來凋謝﹐好彩有0的都開得幾靚!



















之後就去廣成冰室食下午茶。

聖誕節快樂

聖誕節我地決定左打邊爐。原因好簡單﹐可以食住等啊竹君嘛。媽媽因為個口腔微爛﹐所以佢只是食湯河同好淋既花膠筒﹐其他食物都唔想食。陰公0羅.....



通常打邊爐就係吹水時。大家都知道,我地一坐埋一堆,就一定係bibibubu放毒氣架啦。當大家無認時﹐媽媽就突然好cool咁話: "一件磚﹐兩件磚﹐誰人放屁屎忽穿" 個個笑到幾乎噴飯。

梅之甜品 ~ 燕麥牛奶布丁

香濃既燕麥加新鮮既牛奶係秋冬必食既甜品。High Fibre同埋幫助消化嘛! 返歸時﹐記得來梅記品嘗啊!啊灝咕嚕咕嚕食左兩杯啦!不斷贊好滑好香。

清甜杞子桂花糕

琴晚做俾啊灝既飯後甜品~杞子桂花糕 ! 甜度清甜明目啊 : 係秋冬既甜品

香濃牛奶布甸

今日係重陽﹐唔需返工。 正!

我見仲要o的北海道牛奶剩又唔想啊灝成日食雪糕所以決定做北海道牛奶布甸。

登!登!登!登!



這個牛奶布甸需時凝固﹐所以如果想食既話﹐記得預先落order啊。嘻嘻

白白滑滑北海道牛乳燉奶

個燉奶我都係第一次整, 都算成功架。啊灝仲食左兩碗添。啊灝話味道同質地同義順差唔多哦.我用北海道牛乳整,貪佢夠香濃。等你地返來,必定做俾你地食架~

冬至九大簋

最近可能工作好繁忙,身體開始亮起警號啦!無精神同無魄力,所以唯有在家修養。

修養時間順便諗諗冬至既菜色!

瑤柱魚翅羹
炸牛奶
椒鹽蝦
咕嚕肉
煎釀杏鮑菰
蟹餅
帶子芋盒
蘇式燻魚
冬菇會龍俐柳

o岩o岩好九樣菜=九大簋啊!!!!!

麥提沙雪糕

啊灝真係雪糕癡來架! 一個禮拜前既雪糕已經俾佢自己食完啦!!!!!!今日又要我整麥提沙雪糕俾佢食羅!不過我話呢次係最後一次啦。 雪糕唔健康嘛!

梅之雪糕: 北海道牛奶紅豆雪糕

榴槤雪糕

琴晚所試做既榴槤雪糕! 雖然我個人不喜愛榴槤但聞到0的味好好好香睇落都幾滑喇!

啊灝食完後話好好好好味啊~~~ 無得頂呀!!!!!!! 正!!正!!正!!



同事食過0的雪糕都開始向我落order添.嘻嘻

慶祝中秋節

今日做節﹐一定要用好喜慶既餐具襯托。 好似朱瞇瞇話齋:0麼野都咁隨便﹐邊有人俾面!

所以我特登買左一套全日本製造既瓷器,而圖案我選擇了櫻花﹐因為櫻花代表幸福。



我一早就起身準備0的餸菜.煲落湯之後就啟程去接啊媽。我地去美心皇宮飲茶之後慧中就回家。而我地就返企煲碟! 大概五點半我就起手準備o的餸。六點就開始煮飯,七點鐘食飯。睇下我第一次既大膽嘗試啦!



冷盤: 日本芝麻醬手撕雞


五香豬肉卷


帶子炒百合


黃金大蝦 我地只限啊媽食一隻黃金蝦


琵琶豆腐


日本醬汁炒雜菰


甜品: 蛋白杏仁露


日本黑芝麻雪糕 **啊媽無食度﹐ 驚佢咳嘛!


沖繩黑糖白蓮蓉月餅










飯後﹐我地就同媽媽落街行下消化下﹐順便賞月。之後就玩牌。

媽媽睇落好累但仲要死頂。玩到咁上下﹐啊媽只眼已經好似一條線。問佢眼唔眼訓﹐佢照舊話唔眼訓,但佢一rub眼﹐就變四眼皮!!! 個個即刻笑到標眼淚。啊蝸仲要不斷HANG機﹐



要啊媽提佢"快的啦,啊福".佢先至Reboot.哈哈

我地玩到12點先至送啊媽返歸休息。