花墟, 飛鵝, 雞粥團

今日﹐灝梅旅行團又出動啦﹗我地搞搞新意思﹐去o左旺角帝京酒店附近美心皇宮飲茶。環境都幾好ga﹗ 唔知係唔係新環境0既關係﹐我地都覺得0的野特別好昧!

埋單o既時候﹐灝同媽媽都爭住俾﹐Wally就好豪氣話:得啦,你地唔好爭,我請啦﹐嘿﹗

媽媽的第一次 ~ 旺角花墟

我地帶媽媽去旺角花墟。媽媽話呢次係佢第一次到花墟﹐見到好咁多靚花不斷講﹕好靚啊﹗好平啊﹗媽媽原本想買玫瑰絲花但係見到0的花甩頭甩髻﹐所以轉買富貴花絲花!

九龍仔公園

因為我地大家食得好飽﹐所以Wally提議去九龍仔公園行下。到達0既時候﹐媽媽同我地講﹐當時經常到呢度等竹君放學﹐之後去食排骨飯﹐不過檔0野已經拆0左囉﹐所以影唔到相。

以下片段可以見到媽媽面油油但都好興奮為我地介紹呢個地方﹗

灝突然心血來潮﹐好浪漫話帶我地去飛鵝山看日落Wo﹐又話媽媽同佢都屬蛇﹐所以上去打下霧啦﹗真係頂唔順﹗去到meh 都睇唔到﹐0的霧好大嘛﹗當我地帶著失望0既心情落翻山﹐奇跡出現了﹕突然好天0窩!

有好多人放緊電子風箏﹗睇下片段啦。

灝話我地唔好“浦”得咁盡﹐連媽媽0既"AN" 覺都沒得訓﹐所以返屋企嘿一陣先﹐然後去火炭大排檔吃地道小菜﹗我地去到見到人山人海her her 聲﹐好彩都有位! 我地order o左以下菜式,見到都流口水啊:

見唔見大家都食得好滋味呢! 尤其係媽媽奮力把燒乳鴿分屍那一幕,尤其壯烈!

經過一輪狂風掃落葉之後.....

亞灝提議上佢Office 打個白鴿轉啦! 因為沒冷氣所以一陣昧以為Wally 放屁!(壓唔壓韻呢?)

終於灝梅舉辦一日游已完結,各位團友都要返歸啦! 送完團友返歸後,灝就負責還車俾樂怡租車集團!

二伯爺o既生日

上年我地為Wally 慶祝生日。 亞灝話Wally o即電話實在太OUT啦﹐所以就決定送個電話俾佢囉。 亞灝叫媽媽頒發呢個特別禮物俾佢﹐希望以後開電話啦。然後我地送上中英文版既生日歌.

晚上我地去翡翠拉面吃晚飯。我地叫左擔擔面﹐小籠包﹐XO醬炒四季豆﹐醉雞﹐素鵝﹐咕嚕肉﹐上海粗炒﹐等等菜式。食得好飽啊﹗

亞灝生日迷你會

媽媽有個永遠不變0既習慣﹐就係若果你係香港﹐時間0岩ga話﹐佢一定不會錯過買生日蛋糕祝慶0既!


三月十七號係啊灝0既生日。媽媽一早吩咐Wally買生日蛋糕俾啊灝。唱生日歌0既時候﹐媽媽一路唱一路不斷拍手﹐真係好鬼Kawaii net, 搞到我地笑到連楂機0既我﹐鏡頭不斷搖晃﹐搞到di相好朦囉!

睇啊灝得戚0既樣就知道我當然已經係送o左份禮物俾佢啦 !

新年~年初二

在我記憶中程媽媽最忙o既日子就係新年年初二啦。因為年初二我地會聚集一起食飯囉。聽啊灝講﹐程爸爸通常都會年三十晚去花市買桃花。一買就搬成盤桃花﹐因為住o既地方細所以一旦擺盆桃花就霸佔半個廳﹐啊灝當時係廳長所以每當年初一o既昭頭早,就會聞到好香o既桃花香!講起啊灝話都幾懷念這種情景。不過沒有怕﹐錦屏一早已幫媽媽買定靚花過年啦,聽講話$680 啊!

雖然媽媽好忙﹐但係佢忙得特別開心。

係這呢度不得不提起佢最拿手o既"地豆雞"! 你地知啦﹐我係新加坡人嘛,第一次聽到"地豆雞"都唔知係meh野??覺得好奇怪. 雞都有地豆ga meh?? Anyway,"地豆雞都算係陪伴啊灝佢地成長其中一樣不可忘記o既 0野! 我知道做"地豆雞"o既過程都好講功夫o架! 媽媽炸到面油油咁﹐每次聽到佢同啊灝講佢腰酸背疼﹐唔出來飲茶。為o既是佢班子女可以享受好好味,脆朴朴o既地豆雞。陰公豬囉! Since佢o既手跌過來﹐呢幾年都由錦屏操刀做總廚炸"地豆雞", 雖然啊灝話無媽媽o既100分,但幻想到錦屏炸到面極油﹐頭髮蓬鬆o既樣﹐都值95分啦。加油啊,錦屏!

至於我﹐只不過年初二時﹐做幫廚炸春卷同煎蘿蔔糕等等嗟。通常我地吃完午飯就 食湯圓當下午茶,之後就會睇DVD。晚餐除o左我地仲有道仔一家陪媽媽食飯。啊灝同我一起就去collect"大家樂"盆菜﹐味道都幾好ga! 價錢又公道。媽媽見到大家食得津津有味﹐不斷叫我地食多di啦!

琪琪"佛公"同我食完飯就心絲絲玩NDS!

清水灣大澳門之旅

本來上星期灝已約定媽媽同Wally去大棠荔枝園﹐但昨日早上又落雨又大霧﹐所以為了大家安全﹐我們都同意取消此計劃。很失望啊! 今日雖然大霧﹐但天氣都算幾好﹐啊灝一早去借車﹐車媽媽到馬鞍山廣場飲茶。經過集合了大家飲完茶去邊度之意見﹐終於決定去附近白石繞一圈後先至去清水灣的大澳門漫步。 當我們到達白石時﹐我地馬上被美麗海景深深吸引住﹐Wally﹐媽媽﹐灝同我都不約而同地由心中叫出: 哇! 好靚啊!!之後,隨著風飄來一陣陣燒烤香味將我地視線轉移到很多人圍著BBQ爐燒烤0既地區。我們都紛紛討論下一次0既家庭聚集地點非這裡莫屬。之後,我地便往清水灣大澳門去啦。

清水灣大澳門

到達了清水灣的大澳門,空氣非常清新。睇得出Wally非常享受這地方﹐不斷讚空氣好。我地一邊行﹐媽媽好興奮一邊向我地介紹不同花草樹木, 睇來好精神喔。 媽媽話這裡空氣好﹐鳥語花香﹐係個散步o既好地方。很多家庭都來呢度燒烤﹐放風箏同野餐。我地行到放風箏地點, 灝叫媽媽坐低休息。由於太大霧﹐所以沒拍到靚風景。下次希望同大家一起來呢度啦!

狗狗Abbie自動獻身事件


沒幾耐,有位男士帶佢只金毛到來﹐坐我地旁邊。金毛很乖巧﹐坐主人身旁。突然之間﹐跑到媽媽面前依腳坐著﹐媽媽非常Cool, 唔理佢﹐它又含情脈脈望著媽媽﹐希望媽媽可以摸摸佢。當然這時灝 andWally也不斷地對Abbie抓頭索油。Abbie任摸唔嬲﹐後來很多人都走過來同呢只索Abbie打招呼。佢又識Do﹐不斷俾手手應酬應酬。我地又發現佢死穴, 就係: 所有大人都唔怕﹐最怕是小朋友﹐一旦有小朋友在身邊﹐就會頂唔順劈炮鬆狗!

由於天色已晚﹐蚊滋開始出動﹐所以我地就飛奔較腳!

展開第二頁我地的 "蘇屋地頭回憶之旅"

尋"蘇"記

離開了清水灣後﹐我地很快到達長沙灣。媽媽特別精神。路上不斷同我講啊灝, Leo同Wally小時候0既點滴。我地泊好車後﹐媽媽已經急不及待同我介紹啊灝0既幼稚院~香島而樓上就係錦屏0既中學。此圖只可以睇到啊灝同Wally 0既背影,因為媽媽已係佢地前面啦!

後來因為我聽媽媽講同啊灝曾經失散過﹐所以提議去瞄一瞄事發地點。話口未完﹐媽媽便一支箭咁飛奔走去﹐啊灝拉都拉唔住佢。仲話啊灝: 唔需要扶我啦﹐我識路嘛! 嘿!之後媽媽仲開心到提議行去蘇屋村啊!!!!!啊灝驚佢行得太遠﹐所以話行兩條街先﹐然後喳車去蘇屋村啦﹐媽媽先至話Okay。

媽媽一路行﹐一路講以前邊度係邊度,仲同Wally輸賭添! 講到口乾﹐自動提議買荳漿飲先至再繼續做Retro導遊。我地到蘇屋村,媽媽已標落車,話俾我聽以前所住0既地方就係七樓 ~ 海棠樓 。雖然媽媽無講, 但係我感覺到佢對呢個地方都幾懷念。

之後我地四週圍去﹐包括對面大雄中學﹐公園﹐Wally 打千秋被道仔恐嚇後, 發軟蹄韃落地0既游樂場﹐雖則千秋不再但烙印永存!!

我地再殺落去順寧道街市搵賣衫啊伯﹐但係街方話佢已上左天堂囉! 跟住右轉青山道去百年麵包店方向游蕩之後再"產"上蘇屋村杜鵑樓找棠記﹐哇!!棠記仍然係!??我地之後再"嘿"上百合樓搵啊灝以前的童軍總部。再"斑"過去茶花樓囉車去"老正興"吃飯!

媽媽在這過程中一"di" 都唔gui, 反而覺得佢好似High o左丸。送佢返樂滿仲叫我地操Pair添!!