梅之甜品 ~ 燕麥牛奶布丁

香濃既燕麥加新鮮既牛奶係秋冬必食既甜品。High Fibre同埋幫助消化嘛! 返歸時﹐記得來梅記品嘗啊!啊灝咕嚕咕嚕食左兩杯啦!不斷贊好滑好香。

清甜杞子桂花糕

琴晚做俾啊灝既飯後甜品~杞子桂花糕 ! 甜度清甜明目啊 : 係秋冬既甜品

香濃牛奶布甸

今日係重陽﹐唔需返工。 正!

我見仲要o的北海道牛奶剩又唔想啊灝成日食雪糕所以決定做北海道牛奶布甸。

登!登!登!登!



這個牛奶布甸需時凝固﹐所以如果想食既話﹐記得預先落order啊。嘻嘻

白白滑滑北海道牛乳燉奶

個燉奶我都係第一次整, 都算成功架。啊灝仲食左兩碗添。啊灝話味道同質地同義順差唔多哦.我用北海道牛乳整,貪佢夠香濃。等你地返來,必定做俾你地食架~

冬至九大簋

最近可能工作好繁忙,身體開始亮起警號啦!無精神同無魄力,所以唯有在家修養。

修養時間順便諗諗冬至既菜色!

瑤柱魚翅羹
炸牛奶
椒鹽蝦
咕嚕肉
煎釀杏鮑菰
蟹餅
帶子芋盒
蘇式燻魚
冬菇會龍俐柳

o岩o岩好九樣菜=九大簋啊!!!!!

麥提沙雪糕

啊灝真係雪糕癡來架! 一個禮拜前既雪糕已經俾佢自己食完啦!!!!!!今日又要我整麥提沙雪糕俾佢食羅!不過我話呢次係最後一次啦。 雪糕唔健康嘛!

梅之雪糕: 北海道牛奶紅豆雪糕

榴槤雪糕

琴晚所試做既榴槤雪糕! 雖然我個人不喜愛榴槤但聞到0的味好好好香睇落都幾滑喇!

啊灝食完後話好好好好味啊~~~ 無得頂呀!!!!!!! 正!!正!!正!!



同事食過0的雪糕都開始向我落order添.嘻嘻

慶祝中秋節

今日做節﹐一定要用好喜慶既餐具襯托。 好似朱瞇瞇話齋:0麼野都咁隨便﹐邊有人俾面!

所以我特登買左一套全日本製造既瓷器,而圖案我選擇了櫻花﹐因為櫻花代表幸福。



我一早就起身準備0的餸菜.煲落湯之後就啟程去接啊媽。我地去美心皇宮飲茶之後慧中就回家。而我地就返企煲碟! 大概五點半我就起手準備o的餸。六點就開始煮飯,七點鐘食飯。睇下我第一次既大膽嘗試啦!



冷盤: 日本芝麻醬手撕雞


五香豬肉卷


帶子炒百合


黃金大蝦 我地只限啊媽食一隻黃金蝦


琵琶豆腐


日本醬汁炒雜菰


甜品: 蛋白杏仁露


日本黑芝麻雪糕 **啊媽無食度﹐ 驚佢咳嘛!


沖繩黑糖白蓮蓉月餅










飯後﹐我地就同媽媽落街行下消化下﹐順便賞月。之後就玩牌。

媽媽睇落好累但仲要死頂。玩到咁上下﹐啊媽只眼已經好似一條線。問佢眼唔眼訓﹐佢照舊話唔眼訓,但佢一rub眼﹐就變四眼皮!!! 個個即刻笑到標眼淚。啊蝸仲要不斷HANG機﹐



要啊媽提佢"快的啦,啊福".佢先至Reboot.哈哈

我地玩到12點先至送啊媽返歸休息。

自制黑芝麻雪糕

結婚週年日﹐灝送左雪糕機給我。即係話要我做多的自制雪糕俾佢食啦。嘿!

今日見有時間所以整做黑芝麻雪糕。

自制雪糕好處就係可以控制甜度﹐亦可以選擇低脂忌廉。而且我所用既材料全部都係來自日本。有北海道既牛奶﹐沖繩黑芝麻醬,日本蛋等.味道得一個字.............正!

我地o的相係唔係越來越靚呢。更係啦!用 Nikon D90影出來係無得頂咖!

登!登!登!登!

沖繩黑糖月餅

今日已買左禮拜六要煮既材料。焗埋月餅添。我呢次沖繩黑糖來做月餅皮!

焗前






焗完後,再加埋金薄

約奶奶

我地FLASH課程上個禮拜六開始啦! 上完堂後啊灝就約奶奶佢地響MEGABOX 既太興新時代食飯。都OKAY好食架。

中秋節

失敗之作

聽慧中講錦屏鐘意食皮蛋酥﹐所以我今日就上網找食譜。決定向高難度挑戰! 等佢返來﹐就有頂級既梅記皮蛋酥食。哈哈.

登!登!登!登! 梅記皮蛋酥第一take : 可能溫度太大﹐樣係衰0的,0的皮有0的裂開, 不過味道都算ok!

灝梅團就快出动啦!Hard-Core团友已经提早报名啦!

琴晚同奶奶一起刨足三只碟﹐兩只鬼片﹐睇既時候奶奶不斷有精境既評語﹐例如: 片中既魔鬼係黑羊樣,跟住啊灝同啊窩就講"黑草羊"又出動啦﹐奶奶就講﹐咦...黑草羊好..好補0窩 笑到我地反肚。睇完鬼片﹐奶奶提議睇印度片。 睇到大概8.30pm先出去九龍城燦記路邊雞食飯。

燦記路邊雞係九龍城一間歷史悠久的飯店，他們的招牌菜式是金牌路邊雞， 路邊雞選用農場新鮮雞，用秘製方法炮製，骨嫩肉滑。我地叫左半只路邊雞﹐燉湯﹐荷葉蝦蒸籠仔飯﹐煎蠔餅 ﹐白飯魚﹐大良炸鮮奶。都幾好味咖!









未參與灝梅團既家庭成員唔駛擔心! 十二月一涼番﹐灝梅團就會出動帶大家去更加好玩既地方!包括:

牛牛樂園 - 飲康寧牌新鮮擠出來既牛奶!



南生圍 - 感受下天寬地闊的濕地景致的迷人地方



大棠荔枝園-採 摘 有 機 蔬 果例如士多啤梨、沙田柚 、香蕉、蘋果蕉、楊桃 。



瑞記山水茶寮 - 瑞記係香港少數仍使用山水泡茶和煮食的食店。





龍鼓灘- 燒烤﹐欣賞風景。





大夫第- 文 氏 的 先 祖 自 十 五 世 紀 已 在 新 田 定 居。

还有很多很多啦.....