今日因為我有展覽會要參展﹐所以不能夠同媽媽佢地去浦。
灝飲完茶帶媽媽去於香港中環半山衛城道7號既孫中山紀念館行下。順便去參觀宋慶齡文物珍品展。通過70多件文物及相關的歷史圖片，勾勒出孫中山與宋慶齡風雨同舟的深厚感情，展現了宋慶齡的愛國情懷及其生活點滴。展品包括宋慶齡母親所送的結婚禮物、孫中山簽署遺囑所用的筆、宋慶齡在抗戰時期常穿的旗袍和她所穿的最
後一件睡衣，當中不少展品為宋慶齡生前的私人珍品，更是首次外借展覽，難得一見.
之後就去左貝沙灣o既放狗公園看日落。
然後回家食"黑cake",燒賣做下午茶。
夜晚﹐我就meet媽,響名都食飯。
Saturday, May 9, 2009
祝程媽媽: 母親節快樂
Friday, May 1, 2009
圓玄學院/西方寺/三棟屋博物館
今日同程媽媽去左拜老爺。之後我地就開始我地既行程。
我地首先去左圓玄學院,我地一到左﹐媽媽就好興奮。因為週圍既環境好正。
我地就去食齋堂一嘗清淡可口的素食
齋堂嘗清淡可口的素食齋館食齋.
食完齋﹐媽媽就迫不及待叫去參觀週圍環境...雅石館
雅石館展出多項有趣收藏品,其中包括酷似中國12生肖的趣怪小石頭。 
當中有一個﹐好似杯胎.....
又有龜....幾特別咖..
啊媽同鴨好似好有研究﹐細心咁望住。
八德臺 - 仿北京九龍壁, 上書 「孝悌忠信禮義廉恥」八個大字
三教大殿 - 以傳統天壇形式建成
龍華樓樓高兩層,仿如北京古代帝苑。古色古香.... 
仲被我地發現圓玄學院既鯉魚好識嘆﹐響池度"馬殺池" 啊.....
當我地想離開圓玄學院時,發現太歲殿,就行過去睇,都幾過癮咖!大家都紛紛去睇自己所屬既太歲﹐都舞左好耐!
元辰殿又稱太歲殿，供奉六十甲子神像。神像神態不一，各自代表一個歲星，每年由一位歲星值年，掌理人間 一年禍福，尊之為值年太歲。殿內香火繚繞，氣氛莊嚴。 
因為時間關係﹐我地唯有向下個目標前進。臨行前﹐仲依依不捨影多的相!
毗鄰圓玄學院係西方寺。行過去都係兩分鐘咋! 哽係去啦。咁鬼金碧輝煌!!!!! 西方寺係由菩提學會會長永惺法師創建於1973年，佔地十四萬平方呎，是本港著名叢林。道場座落荃灣老圍村，背靠大帽山。殿內牆壁鑲嵌大理石，刻龍天花板, 瑰麗堂皇。 
我地仲同四方寺既主持永惺長老有緣見面添!
我地行完呢兩個地方﹐就即刻往三棟屋博物館參觀.三棟屋原是一條有二百多年歷史的圍村，於1981年列為法定古蹟；重修成博物館後，於1987年正式開放讓市民參觀。博物館的面積約2,000平方米，建築佈局有如棋盤，左右對稱，中軸線上分別建有前廳、中廳及祠堂；兩旁分別為四間獨立的居室，左右及後排的橫屋把整個村莊圍攏起來。
媽媽一到達就飛奔過去﹐不斷同我地介紹o的o野。
當媽媽介紹呢度係沖涼房既時候﹐我偷偷影左慧中沖涼既相﹐嚇得佢.....
之後就去綠陽商場Tea 一 Tea
夜晚我地去左九龍城既清真牛肉館食晚餐。
我地左以下菜色:
牛肉餅
賽螃蟹
冷盤牛三拼
蔥油餅
炒飯
小龍包
高力豆沙
Subscribe to:
Posts (Atom)
