經媽媽親手抽籤之後﹐以下係八仙賀壽之角色安排:
第一天:
白雲洞風景區、南海觀音、四方竹公園、黃飛鴻武術館、長隆大馬戲劇場
我地出發前一晚﹐啊灝怕媽媽太緊張, 所以幫媽媽預訂的士﹐六點接佢地。我地就要五點起身, 連"民間傳奇"都睇到,真係倒塌o甘早啊! 到達時, Wally 同我講佢兩點幾先訓﹐五點就起身﹐真係無講笑, 沒番三十幾年o既功力﹐真係唔掂! 大家可以睇下當事人o既訪問片段!
當然我地好準時於指定時間,地點集合，乘直航船 "順水" 前往順德。無論在路上媽媽and 啊骨都有爭取時間休息!
正當我地行返旅遊巴時竟然發現有狗肉賣!
第二天：蜜蜂園、順德清暉園、順德步行街、絲綢廠
我地約定媽媽七點半到酒店內o既餐廳享用早餐.
當我地知道Wally前晚三點幾先訓都好驚訝! 好掂啊!
餐後媽媽同我地一起到酒店內探索﹐影相留念。
之後就往蜜蜂園，了解養蜂及探蜜過程。媽媽好興奮介紹o的花草樹木我地認識。好勁啊!
蜜蜂所住o既木屋仔 
媽媽興奮介紹植物品種片段 
媽媽話呢的係錦屏喜愛既葫蘆瓜乾
之後我地就去絲綢廠，了解絲織品制成過程，媽媽原本想買全絲質o既睡衣俾姑爺﹐但係褲腳太短﹐所以媽媽都依依不舍無買到。之後又想買羽絨﹐但係無size, 所以唔好
意思幫人地買o左兩包盲公餅。 
之後繼往鳳凰城美食廣場食午餐﹐因為這餐係自費﹐媽媽搶食恐懼症發作,所以途中媽媽堅持我地自己一圍食﹐真陰公o羅!
我地叫o左以下小菜:
菜心炒鯪魚球
南瓜糯米餅
蟹粉小籠包
肉蟹粥
無壓力底下﹐睇媽媽食得幾滋味幾滿意!
媽媽食完後即"人人搬屋"!
食完午餐﹐我地就繼往去後往順德清暉園，廣東四大名園之一，原為明末狀元黃士俊府第。入面既建築好靚﹐忍不住影o左好多相 :
我地見到對面馬路﹐人頭擁擁﹐原來係"順德雙皮奶 ,急不及待衝去食,
價錢仲係香港四分之一﹐但又好食﹐又足料!吃完後好後悔無encore多一碗真可惜啊!
蓮子雙皮奶
薑汁雙皮奶
媽媽好Enjoy雙皮奶 片段
o答完雙皮奶之後﹐我地行過隔離買手信。就返旅遊巴
媽媽忙住點算戰利品.....
我地o既行程就此結束﹐響度等啊骨表演一招"太極頸"俾大家欣賞欣賞!
此動作乃經過三十年以上"釣魚功力"才可練成﹐小朋友切勿模仿!
